Da ben Nora Estrada
Traducción al zapoteco por el maestro Javier Castellanos*
Ester Méndez, ne nhakatebe xkuide gozorabe dxekebe’be dxelonhebe chala’ra, ka xozexna bidao ljuellebe ka maestro ka, da nhan chadi goyjani’be kan dxaka nha kon janhidabe da nhaka chebe nha nagan zabe yela nhakabe xhi’ne benesa.
“Kate zeyaa sexto grado, xaxna binho’lh dxekanha dashwabe nheda, cheze nhakabe bene gache, nha blosillenhebe che kebe gochagabe to “indita”. Nha lhawe nhakanda xhi’ne bene goza estado Laa, benesa, maestro ka golekenhe kebe gaka chjani’nha dan dxolosedie.
“Chadi gokebe’nha xchenha waralle bre’nha yelazi cheze kebe nhaka ka sjanhaka bene naga bllinha”, gonha Méndez. “A lega schanhi gokenha kate binho’lh dxekanha dashwabe nheda gollebe nheda kan dxon xbaba xaxnabe nha kan dxelnhe’ chia, sgoteteran”.
Nhakabe xhi’ne bene Laa cheze gorjabe Los Ángeles, Méndez gonhabe beyolle goka ki, nha gozoraobe dxochi’abe kan dxaka nagan zuabe kanha goka nha goyjani’be yezika bene ka kebe dxelekenhe mexicano bene Laa ka.
Dxejabe skuera che leyes naa geyollen, en nho lebe da zan da bre’be to chií godarenbe yelawee nha droga ka, naa nhabe shdanedxabe geleree bene lebe ka no’lh benesa.
“Nheto nhakanto bene Laa kebe nho shree nheto ka mexicano”, yeto gonhabe. “Nhakanto bene waralle. Bi dxekenhanda nhaka latina, kebe shdanralla kate nho dxe nheda latina kon dxekenha kebe nhaka chia dilla shnha kan, kebe bi dxen nheda”.
“Bene shnabe nheda, dxecheba dilla ingles dxapee nhaka benesa – bene waralle dxontea llalja, nheda dxekenha dilla nazi latino nonhidan zanhe bene za´ke zanhe país da nhan kebe dxekenha nhaka latina. No’lhe sa nheda”.
Yeto gonhabe dxala gapa yelabara’na yogote bene waralle gakateze sjanhake, ka bene ka da sjayorawe, yelawago cheake, da nhape nha da sjanezenhe.
“Yeto”, gonhabe, “zeya ka shlowilla ljuellenton ne dxolhee lhaonto, ¿Bishchen snago’e nheto radjo bene ka? Kebe dxala ye nheto kan a nhiga ne llanto, ne nhapa nheto yelanaban chento, ne shnento dillasa, ne nhapanto da nhoxon nheto”.
Le li to nho ne gon zi Méndez rawe kebe nhakabe ka yezika bene lla nha’, cheze toxhenbe to kue benedao za bra zito, bene tori dxelonhe leake chala’ra, ka bene to waraze ka do kue bene.
Iza 2022 bdxoja to audio naga nhen dxolochalja concejales che ciudad Nury Martínez, Gil Cedillo nha Kevin De León nha jefe che Federación del Trabajo del condado de Los Ángeles nhiga, nhiga bdxoja to kan da llebekzedxo, zakarao shlenie da kebekze nho goda nha naga shlezetillee che bene Laa.
Ka nhaka den bdxoja nhi a lega benan zi Méndez, gorara nha’ kanhaka yelanaban cheben dxekebe kebe bi zakan, dxekebe dxelonhebe chala’ra, dxeli’ebe dillasban nha dxakabe ka to nhogaze.
“doterallaa kebe dxekenha bara dilla che bene kan sjanhake concejales katen, kon dxekenhan xtilla bene kebe neze kebe dxajnii, a da benan kon godirjan yelaye radjo bene. Naa nheto llanto nhi nha bene za’ka afro ka kebedxa shzirento che leake dan ben dilla bdxoka dxu’e”, gonhabe.
Nhakabe nho’lh waralle nhakatebe estadounidense, yeto gonhabe, zuabe yeladxeyacheralle, shlla’be nha dxekebe dxelonhebe chala’raa rawe ne dxe yeladxonditja bene.
“Nheda gokenha dxelonhe nheda chala’ra rawe nhaka bene Laa. Da nhan kebe shdanenha gozenhaga da kan. Bidao nho’lh ne nhaka dxelonhe nhheda chala’ra. Ba za geyolle skuera chia en ne shrento kan, chi izanhe ba zeja en kebe bi shlla, a lega yache ne dxaka kan.
“nha yeto naa, lakze golake toxhen bene ka dxolosakee zi bene cheze kebe nhake ka le’ nh belonhe nheto chala’ra, dxala chjasaralledxo político sjanhake golakarenhe bene ka za’ka zito. Naa ¿nhoxha gakaren bene ka za’ka zito? Gakaxha gonto che bene geyala concejales gelakarenhe nheto? Che lenan deshwa yela kebe nho dxjalee”, gonha Mendez.
Shlenhe’ dxala chjanadxo ren dia naga gondxo terapias psicológicas
Elisa Jiménez, directora de California Mental HealthConnection, gonhe gaka gon cheka yega’na yelayo’ralle laxdao bene shlere’nhe yelazi dan nosa kate to bene dxonhe dxi’o chala’ra, da nhan dxu’e dilla shnhe’ rente dia che benen goka zi, dxala cheja che gele’ne yogoroe.
“A lega sdebe nhaka che to bene shre’nhe yela dxelon le’ chala’ra, da zan da sban da nosan, gonhe’, “zanhe bidao nha biwego, cheka xhi’ne cheka xhesua bene Laa blera nhiga, shlegorarenbe da ki, da sgote ka bleree xozexnabe. Da nha’, la nazeke doro familia chjalenee nho gowia dan dxon ki”.
Cheze gonhakze, a lega da sdebe nhaka yela dxosaka zi bene cheze kebe nhake ka dxi’o, dxakaxha país nhiga en shnha dilla kebe zejen nho gon kan.
“Kere benezito kan sjanhu’e den dxon kan, leren shlere’nhe yelazi nosan, kankzen shleree bene afroamericano ka, da nhan dxekenha dxala goyue gaka gon che yezua yelashberalle, che kebe yega’nan laxdao xhi’ne xhesua.
Yela dxosaka zi bene cheze kebe nhake ka dxi’o dxonkzen zi ka to bene wee dxi’o
San chalaa bene nhake subdirectora de Iniciativas Estratégicas y Asuntos Externos del Departamento de Derechos Civiles de California (CRD), Becky L. Monroe, gonhe’: yela dxosaka zi bene cheze kebe nhake ka dxi’o, la re’dxo ki che kebe nho we dxi’o kebe nho bi seke gon, dxonten kebe nosan xgia wara en dxonkzen zi ka to bene wee dxi’o yela shkuide.
“Bene kan shlere’ ki dxelakakze zi’”, gonhe’, “To weja yela dxon zi bene yelashkuideze kebe nhapan xgia, en a lega zi dxonan bene”.
Yeto gonhe’ CRD a lega dxeralen shdilarenan che kebe nho gon chala’ra bene naga dxon llin bene, skuera ka, loyoorille, naga shllaga bene zan nha naga shda’o bi shdao.
“Bene shlere’nhe yela zi nosa yelakuideralle nha yeladxon chala’ra bene, dxonle zi leake lhawe genero chie, ga gorje, gaka nhake, ga dxjalirallee, gaka nhaka bene shdanralle, yogoze bene ki kebe dxelawexgia” zee schile. “Yela dxon zi bene yela shkuideze zeja dxanhen. Da yebanedxon, a da nhan kebe bi dxega’na kon nha dxenhiten.
Nota: Da nayoja nhi nhakan toxhen ren da kan dxon Impulso Newspaper ren programa Detener el Odio/ Stop TheHate (STH), axkaren nhoan dxixjo che dxaka da ki dan nonheshjo Estado de California nha yoon lo nha Biblioteca che Estado de California (CSL) nhonhe toxhen lhen Departamento de Servicios Sociales de California nha Comisión de Asuntos Estadounidenses de las Islas Asiáticas y del Pacífico de California (CAPIAA).
Bree nhoan dxon zi bene yelashkuideze, bolwilla nhiga (833) 866-4283 cheka ka nhiga 833-8-NO-HATE, kere bayen nao lhao, nha llee lla ron llinte lla vierne, de 9 a.m. a 6 p.m.
Che dxakaralloo gore’nho to bene dxonhe zi benebyora o shyashjenho nho gakaren lhue, gona nhiga: https://www.cavshate.org/ (nha gochichoo naga shnhan dilla xtira)
Che nho dxosaka zi lhue o shre’nho nho dxosaka zi bene yela shkuideze, nho dxon chalaara bene, nho dxochebe bene byora, gonabaCalifornia vs Hate gakarenhe lhue. Línea directa gakarenan lhue che nezenho gaka gonho kate dxaka ki nha le’kze gelone da yashjenho da de che bene zan ki. Nhoteteze bene dxala gore’nhe da dxaka kere bayen natie nho le’ nha da kan gore’nhe kebe goree dan policía, che le’ kebe dxakarallee, san che ley shnhan dxonan bayen nhadxa goree len.
Nota: Da nayoja nhi nhakan toxhen ren da kan dxon Impulso Newspaper ren programa Detener el Odio/ Stop TheHate (STH), axkaren nhoan dxixjo che dxaka da ki dan nonheshjo Estado de California nha yoon lo nha Biblioteca che Estado de California (CSL) nhonhe toxhen lhen Departamento de Servicios Sociales de California nha Comisión de Asuntos Estadounidenses de las Islas Asiáticas y del Pacífico de California (CAPIAA).
Sobre el traductor:
*Javier Castellanos originario de Santo domingo Yojovi, Oaxaca, escritor, ha publicado novelas, libros de poemas, cuentos, obras teatrales, ensayo, guiones radiofónicos, programas de radio, traducciones, canciones e investigaciones lingüísticas y gramaticales. Por esta labor ha obtenido diversos reconocimientos: el Premio “Monografías del maíz” en 1982; el Premio Nacional de Literatura Indígena “Netzahualcóyotl, 2002; el premio de narrativa “Centro de las Artes San Agustín (CASA) 2012”; el Premio de Literaturas Indígenas de América, versión 2013 y el Premio Nacional de Cuento en Lenguas Originarias Tetseebo, 2021.
